Árangur

Í fyrstu viku ágúst mánaðar 2011 komu fyrstu einstklingarnir til okkar í mats- og þjálfunarferli. Frá þeim tíma hafa vel á annað hundrað einstklingar komið og verið hjá okkur í lengri eða skemmri tíma. Af þeim sem hafa verið hjá okkur í tvær vikur eða lengur hefur um þriðjungur fengið launaða vinnu auk þess sem margir hafa ákveðið að hefja aftur nám.   Þeir skjólstæðingar okkar sem hafa fengið launuð störf vinna allir í 50% starfi og ýmist í 4 eða 5 daga í hverri viku. Frá ágúst 2011 70 einstaklingar komið til okkar í mats- og þjálfunarferli. Af þessum einstaklingum hafa 27 farið frá okkur í launuð störf, 9 hafa farið í nám og aðrir hafa ýmist hætt eða eru enn hjá okkur. Þeir sem ekki hafa komist í launuð störf eða farið í nám hafa flestir eða allir bætt stöðu sína félagslega. Þeir hafa komið betri reglu á líf sitt, mæta í líkamsrækt, taka þátt í viðburðum hjá Specialisterne og eru virkari í daglegu lífi heima fyrir. Það hefur verið mjög ánægjulegt að fá stuðnings- og hvatningarbréf frá aðstandendum okkar skjólstæðinga. Setningar eins og:

  • “ Specialisterne opnuðu á tækifæri fyrir dóttur okkar til að komast á hinn almenna vinnumarkað“
  • „Það var ýtt undir þroska og sjálfsálilt hjá mínum unglingi“
  • “ Aðkoma Specialisterne hefur haft afgerandi og ómetanlega þýðingu fyrir unga einstaklinga á einhverfurófi sem eru í atvinnuleit“
  • „Markmið hefði ekki náðst án stuðnings Specialisterne“
  • „Erum Specialisterne ævinlega þákklát fyrir þeirra miklu vinnu fyrir einstaklinga á einhverfurófinu“

Fjölmörg fyrirtæki hafa gefið skjólstæðingum okkar tækifæri til atvinnu. VIð erum þessum fyrirtækjum mjög þákklát og vonumst auðvitað til þess að fleiri opni sýnar dyr fyrir okkar fólki. Hér að neðan er listi yfir þau fyrirtæki sem hafa tekið okkar skjólstæðinga í vinnu:

  • Dýraspítalinn í Garðabæ
  • Endurvinnslan
  • Góði hirðirinn
  • Kaupás
  • Leturprent
  • LSH
  • Nói – Síríus
  • Parlogis
  • Reykjavíkurborg
  • Tölvulistinn
  • Vistor
  • Þjóðskrá

Specialisterne á Íslandi hafa hlotið markháttaða viðurkenningar og styrkir.

Endilega deila á samfélagsmiðla:
Facebooktwittergoogle_plusredditpinterestlinkedintumblr

Hlutverk og markmið Specialisterne á Íslandi

Stefna Specialisterne er að meta og þjálfa 14 – 18 einstaklinga á hverju ári, með það að markmiði að sem flestir þeirra fái tækifæri á vinnumarkaðinum. Markhópur er fólk frá 18 ára aldri og megin áhersla hefur verið á einstaklinga með greiningu á einhverfurófinu. Á hverjum degi eru allt að 16 einstaklingar hjá okkur og því jafnan mikið um að vera. Hver einstaklingur hefur sína vinnustöð en auk þess er gott rými til að njóta félagsskaps hvers annars. Forsenda þess að einstaklingur eigi möguleika á launaðri vinnu er að sá hinn sami hafi sýnt góða ástundun og framkomu hjá okkur. Við leggjum mikla áherslu á að einstaklingar setji sér markmið með mætingar og standi við þau. Reynt er að bæta félagsfæri okkar skjólstæðinga og í hverju mánuði förum við í heimsóknir á kaffihús, söfn, sýningar eða brjótum starfið upp með öðrum hætti utan húsakynna okkar.

Endilega deila á samfélagsmiðla:
Facebooktwittergoogle_plusredditpinterestlinkedintumblr

Þjálfun einstaklinga

Leiðin að mats- og þjálfunarferli hjá Specialisterne ætti að vera flestum nokkuð greið. Best er að panta viðtalstíma hjá einhverfuráðgjafa okkar, en í framhaldi af slíku viðtali er tekin ákvörðun um frekara framhald. Þrír til sex einstaklingar koma í viðtal hjá okkur í hverri viku og reynt er að taka sem flesta inn hjá okkur eins fljótt og kostur er. Vinnumálastofnun og nokkur sveitarfélög hafa einnig gert samstarfssaminga við okkur en með því er þeirra skjólstæðingu tryggður aðgangur hjá Specialisterne. Lengd mats- og þjálfunarferlis er mislangt eftir einstaklingum, en markmið okkar er að finna launað starf sem passar hverjum og einum eins fljótt og kostur er. Mikilvægt er að þekkja vel styrk-og veikleika okkar skjólstæðinga þegar þeir eru metnir í væntanleg störf, en nánast undantekningarlaust hafa okkar skjólstæðingar staðið vel undir væntingum okkar og vinnuveitanda. Til að óska eftir viðtali vinsamlegast sendið t-póst til bta@specialisterne.com

Endilega deila á samfélagsmiðla:
Facebooktwittergoogle_plusredditpinterestlinkedintumblr

Leiðin í launað starf

Allt frá því að Specialisterne hófu starfsemi sína hafa um 80 einstaklingar verið hjá okkur. Okkur hefur orðið vel ágengt í því að finna okkar fólki launuð störf og nú hefur 31 einstaklingur fengið launaða vinnu eftir að hafa verið hjá okkur. Ferlið er gjarnan þannig að eftir að fyrirtæki hefur lýst sig reiðubúið til að taka einstakling frá okkur í vinnu hefst starfsnám, sem stendur yfir í 1 – 2 vikur. Að því loknu er staðan metin, en við höfum enn ekki upplifað annað en að eftir starfsnám fái okkar skjólstæðingur raunverulegt tækifæri sem launaður starfsmaður. Á þeim tíma sem okkar skjólstæðingar eru í vinnu erum við í sambandi við bæði vinnuveitanda og eins okkar skjólstæðing, en með því viljum við tryggja að allt geti gengið sem best. Okkar fólk hefur unnið við hin ýmsu störf, t.d. tölvuviðgerðir, tövlusamsetningar, lagerhald, umsjón með lager, skönnun skjala, afgreiðslustörf, vinna á dýraspítala auk fjölda annara starfa. Við viljum hvetja fyrirtæki til að setja sig í samband við okkur ef þau vilja leggja okkar góða málefni lið.

Endilega deila á samfélagsmiðla:
Facebooktwittergoogle_plusredditpinterestlinkedintumblr

Leggjum Specialisterne lið til að halda áfram góðu starfi

Leggjum lið.

Viltu leggja okkur lið? Við leitum að BAKhjörlum við starf okkar, en talsvert vantar til þess að tryggja rekstur okkar á næstu misserum. Við erum stolt af þeim árangri sem við höfum náð, en ríflega 41% þeirra sem hafa verið hjá okkur hafa komist í launaða vinnu og 12% hafa farið í nám. Þeir sem ekki hafa fengið tækifæri úti í atvinnulífunu hefur tekist að bæta mjög félagshæfni sína og styrkt sitt tengslanet.

Hjá okkur eru að jafnaði 10 – 14 einstaklingar sem allir hafa það sem markið að bæta líf sitt og margir líta til þess að geta fengið tækifæri á vinnumarkaði. Með góðri aðstoð fyrirtækja og stofnanna hefur okkur tekist að hjálpa þessu fólki að láta drauma sína rætast og nú biðlum við til ykkar allra um aðstoð til að geta haldið starfinu áfram.

Til að leggja okkur lið er hægt að senda okkur t-póst, bta@specialisterne.com, með ósk um að gera samning um mánaðarlegan styrk til okkar en auk þess er hægt að hringja í síma 901-5010 eða 901-5030 og stykja þannig starfsemi okkur um kr. 1000 eða kr. 3000.


Myndband úr starfi okkar.


Umsagnir og hvatning foreldra.

Aðkoma Specialisterne hefur haft afgerandi og ómetanlega þýðingu fyrir unga einstaklinga á einhverfurófi sem eru í atvinnuleit.

Markmið hefði ekki náðst án stuðnings Specialisterne

Erum Specialisterne ævinlega þakklát fyrir þeirra miklu vinnu fyrir einstaklinga á einhverfurófinu

Specialisterne hafa hjálpað einstaklingum á einhverfurófi til aukinna lífsgæða

Specialistere hafa opnað nýja mikilsverða möguleika sem byggja þarf á til framtíðar

Mikill sigur fyrir son okkar að geta verið á vinnumarkaðnum, fá laun og borga sína skatta og skyldur

Specialisterne opnuðu á tækifæri fyrir dóttur okkar til að komast á hinn almenna vinnumarkað

Það var ýtt undir þroska og sjálfsálit hjá mínum unglingi

Specialisterne er stór þáttur í framförum dóttur okkar og okkar ósk er að Specialisterne geti starfað áfram um ókominár

Endilega deila á samfélagsmiðla:
Facebooktwittergoogle_plusredditpinterestlinkedintumblr